قصيدة الزمن
يالله يا معبود يا والي
فرج عن القلب أحزانه
قلب جرى دمعه همالي
يشكي من جور زمانه
يشكي اختلاف لحوالي
والصبر على الدهر ما عانه
قومي فقدو زين الافعالي
حتى غدت عقولنا حيرانه
الخوي على خويه متعالي
والجار ما يامن غدر جيرانه
كل ٍ ملهوف بجمع المالي
همه يجمع من صنوفه الوانه
بحلال او حرام ما يبالي
وان باع لاجله ذمته وايمانه
البيت غدا من غير والي
والباب مشرع ٍ بعدها للخيانة
البنت تهيم بانصاف الليالي
وتردح بالاسواق كانها شيطانة
والعباة تلونت بالوان واشكالي
من بعد ما كانت للستر عنوانه
والام تتبع كل قيل وقالي
والخادمة في بيتها سلطانة
يا حسرة على تربية لاجيالي
يا حسرة على اجيال دمرانة
مسجدنا من شبابنا خالي
والملاهي بهم دوم عمرانه
الله على وطر يطري على بالي
يوم الناس بالقليلة رضيانة
تمشي بشرع رب السما العالي
وسنة نبيه وهدي قرآنه
ارجعوا لفعايل اجداد رجالي
حموا لديار وصانوا الامانه
والله لو لبسنا الذهب وكل غالي
تبقى نفوسنا بن ضلوعنا شقيانة
موضوع: قصيدة الزمن 
